12 September 2012
Griekwastad Skougronde
11:00
Die Noordkaap Veldram Projek streef reeds vir 27 jaar na meer wetenskaplike veeboerdery. Na die pas afgelope veiling op Griekwastad kan die bestuur tevrede voel met die vordering.
Die kopers op die veiling betaal beslis meer vir die ramme wat goed presteer, aangepas is en ramme met beter teelwaardes. Ook is daar geskiedenis gemaak deurdat Dorpers, Wit Dorpers, Boerbokke en Meatmasters nie meer met stoet en kudde kolle gemerk was nie. Die rede hiervoor is voor die hand liggend. Diere wat as stoet geklassifiseer was in die verlede het soms uiters swak genetiese teelwaardes gehad en ook andersom waar diere met besonder goeie teelwaardes slegs as kudde diere geklassifiseer was. Kopers is dus mislei deur die kolle. Die ideaal is egter om diere te teel met goeie teelwaardes maar wat ook ‘n bo gemiddelde bouvorm het.
Omdat die syfers dikwels verwarrend is en moeilik om te interpreter is dit vergemaklik met simbole. *top 10%, +top 40%, =gemmiddeld, - onderste 40% en x onderste 10%. ,n * beteken dat die dier vir die betrokke eienskap in die top 10% van die land is.
| Aantal Sterretjies | Geen | * | ** | *** |
| PRYS - Dorpers Boerbokke |
R4712 R6211 |
R5821 R7766 |
R6805 R8385 |
R7144 |
Relatiewe Ekonomiese Waarde (REW) is ‘n kombinasie van speen, na speen en reproduksie teelwaardes. REW het dorper en bok pryse as volg beëinvloed:
| REW Negatief | 0 - 3 | 3 - 5 | 5 - 7 | 7 - 9 | 9 - 11 | Bo 11 | |
| PRYS - Dorpers Boerbokke |
R3500 R5016 |
R4587 R5840 |
R5622 R7316 |
R6347 R7733 |
R6278 R8962 |
R8428 | R9050 |
Wat seleksie indekse betref wat ‘n goeie aanduiding van aanpasbaarheid is het die dorper en bok ramme die volgende pryse behaal:
| Seleksie Indeks | Onder 90 | 90 - 100 | 100 – 110 | 110 – 120 |
| PRYS - Dorpers Boerbokke |
R3400 R5600 |
R4836 R6110 |
R5791 R7075 |
R7784 R9150 |
By al die ander rasse is presies dieselfde tendens van prysvorming waargeneem.
Van Rooy ramme is vir R4264 verkoop, Meatmasters se gemiddeld was R5548 en die Savannas R4414.
196 Ramme is in totaal aangebied en almal is verkoop. G.W.K. het die veiling aangebied.
Louis van Rensburg
Voorsitter van die Noordkaap Veldram Projek
